सवारी ज्यान मुद्दाका फरार अभियुक्त २२ वर्षपछि पक्राउ
<p>तनहुँ। सवारी ज्यान मुद्दामा अदालतबाट कैद फैसला भई फरार एक प्रतिवादी २२ वर्षपछि पक्राउ परेका छन्।</p>
<p>पक्राउ पर्नेमा तनहुँको शुक्लागण्डकी नगरपालिका-३ बस्ने लक्ष्मण श्रेष्ठ छन्।</p>
<p>श्रेष्ठलाई उनकै घरबाट आज पक्राउ गरिएको जिल्ला प्रहरी कार्यालय तनहुँका प्रहरी नायव उपरीक्षक युवराज तिमिल्सिनाले जानकारी दिए।</p>
<p>एक वर्ष कैद भुक्तान गर्न बाँकी रहेकाले उनलाई जिल्ला अदालत तनहुँमा पेश गरिएकामा अदालतले जिल्ला कारागार कार्यालय पठाएको छ।</p>
<p>निजलाई सवारी ज्यान मुद्दामा २०५५ असार १४ गते चितवन जिल्ला अदालतले एक वर्ष कैदको सजाय तोकेको थियो। <em>रासस</em></p>
प्रतिक्रिया दिनुहोस्
.jpg)
