पाँचथरकी युवती काेराेनामुक्त भएर घर फर्किइन्
<p style="text-align: justify;">पाँचथर। कोरोनाभाइरस सङ्क्रमण पुष्टि भई कोशी अस्पताल विराटनगरमा उपचाररत यहाँकी एक युवती निको भई आज फर्केकी छन्।</p>
<p style="text-align: justify;">स्वाब परीक्षणमा यही असार ३ गते कोभिड-१९ पुष्टि भएपछि उपचारका लागि विराटनगर पठाइएकी युवतीमा पछिल्लो परीक्षणमा कोरोना नेगेटिभ देखिएको हो।</p>
<p style="text-align: justify;">उनी पाँचथर आउँदै गरेको स्वास्थ्य कार्यालय पाँचथरका प्रमुख नारद सुवेदीले जानकारी दिए। </p>
<p style="text-align: justify;">गत जेठ २८ गते कुवेतबाट नेपाल आएकी उनी भक्तपुरस्थित होल्डिङ सेन्टर हुँदै फिदिम आएकी थिइन्।</p>
<p style="text-align: justify;">जेठ ३२ गते फिदिम आइपुगेकी उनको भोलिपल्ट स्वाब परीक्षण गरी परीक्षणका लागि पठाइएकामा असार ३ गते कोरोनाभाइरस पोजिटिभ देखिएको थियो। </p>
<p style="text-align: justify;">उनीसँगै कुवेतबाट आएका दुई युवतीमा भने कोरोनाभाइरस देखिएको थिएन। <em>रासस</em></p>
.jpg)
