रातको समयमा काठमाडौंको शहरी सौन्दर्य बढाउन रंगीचंगी बत्ती
<p>काठमाडौं। काठमाडौं शहरलाई सुन्दर बनाउन काठमाडौं महानगरपालिकाले रंगीचंगी बत्ती जडान गर्न शुरू गरेको छ।</p>
<p>महानगरले रातको समयमा काठमाडौं शहरलाई सुन्दर बनाउन परीक्षणका रूपमा रंगीचंगी बत्ती जडान गर्न शुरू गरेको हो।</p>
<p>परीक्षणका रूपमा माइतीघरमा रंगीचंगी बत्ती जडान गरिएको महानगरका प्रमुख विद्यासुन्दर शाक्यले <em>देखापढी</em>लाई बताए।</p>
<p>उनले भने, “हामीले परीक्षणका रूपमा रातको समयमा शहरलाई झिलिमिली बनाउन रंगीचंगी बत्ती जडान प्रक्रिया अगाडि बढाइएको छ।”</p>
<p>परीक्षणका रूपमा जडान गरेको बत्तीमा आउने प्रतिक्रियापछि शहरभरि बत्ती जडान गर्ने योजना महानगरले बनाएको छ।</p>
<p>खर्च धेरै हुने भनेर सबैले विरोध गरेमा जडान प्रक्रिया रोक्ने र सबैले राम्रो काम भनेको अवस्थामा पूरै शहर सजाउने शाक्यले बताए।</p>
प्रतिक्रिया दिनुहोस्
.jpg)
