इङ्ल्यान्डका कप्तान रूटले वेष्ट इन्डिजविरुद्धको पहिलो टेष्ट गुमाउन सक्ने
<p>काठमाडौं। इङ्ल्यान्डका कप्तान जो रूटले अर्को साताबाट शुरू हुने वेष्ट इन्डिजविरुद्धको पहिलो टेष्ट गुमाउने सम्भावना छ।</p>
<p>उनी आफ्नो दोस्रो सन्तान प्राप्तिको अवसरमा परिवारसँग हुनेछन्। </p>
<p>टेष्ट शृंखला ८ जुलाईबाट सुरू हुँदैछ।</p>
<p>कोभिड-१९ महामारीको जोखिमका कारण खेल अवधिभर खेलाडीले सीमित ठाउँमा मात्र हिँडडुल गर्न पाउनेछन्।</p>
<p>पूर्ण स्वास्थ्य सुरक्षा अपनाएर खेल हुन लागेकाले रूटले तत्काल टीम छाड्न तथा समावेश हुन पाउने छैनन्। </p>
<p><em>बीबीसी</em>का अनुसार रूटको अनुपस्थितिमा बेन स्टोक्सले इङ्ल्यान्डको कप्तानी गर्ने जिम्मेवारी पाउने सम्भावना छ।</p>
<p>शनिबार रूटले अलराउन्डर स्टोक्सको तारिफ गरेका थिए। रूटले स्टोक्समा नेतृत्व गर्न सक्ने क्षमता भएको बताएका थिए।</p>
प्रतिक्रिया दिनुहोस्
.jpg)
