सीधा प्रवेश नपाएपछि जंगलैजंगल काठमाडौं
<p>काठमाडौं। केही दिनअघि रुपन्देहीबाट आएका तीनवटा बस नागढुंगाबाट फर्काइयो। </p>
<p>ती बसहरू बिना पास काठमाडौं छिर्न खोजेका थिए। </p>
<p>“नागढुंगामा रोक लगाएर के गर्नु, यात्रुहरू हिँडेरै काठमाडौं पुगे,” धादिङ खत्रीपौवाका स्थानीय व्यापारी बुद्ध लामा भन्छन्। </p>
<p>उनका अनुसार धादिङको निलकण्ठ नगरपालिका–९ को खत्रीपौवा, झ्याप्ले खोलालगायतका क्षेत्रबाट जंगलैजंगल मानिसहरू काठमाडौं पुग्ने गरेका छन्। </p>
<p>बिना पास आएका सवारीलाई झ्याप्लेखाला नजिकै रहेको प्रहरी टोलीले रोक्छ। यात्रुहरूले अनुनयविनय गरेपछि त्यहाँको प्रहरी टोलीले जान दिने गरेको छ। </p>
<blockquote>
<p><strong>फर्काइएका मानिसहरू भने खत्रीपौवाबाट जंगलैजंगल हिँडेर काठमाडौं पुग्ने गरेको नीलकण्ठ नगरपालिका–९ का वडाअध्यक्ष साइला राई बताउँछन्।</strong></p>
</blockquote>
<p>तर, कतिपय अवकस्थामा भने जबर्जस्ती वा प्रहरीको आँखा छलेर पनि ती गाडीहरू नागढुंगासम्म पुग्ने गरेका छन्। </p>
<p>महानगरीय प्रहरी परिसरबाट सातजनाको टोलीले सवारीसाधनमाथि निगरानी गर्ने गरेको छ। </p>
<p>त्यहाँबाट फर्काइएका मानिसहरू भने खत्रीपौवाबाट जंगलैजंगल हिँडेर काठमाडौं पुग्ने गरेको नीलकण्ठ नगरपालिका–९ का वडाअध्यक्ष साइला राईले बताए। </p>
<div class="widget-news">
<div class="white-background-news">
<div class="title-2"><strong>सिफारिस</strong></div>
<div class="news-snippet"><a class="img-holder sm" href="/news/12260" target="_blank" title="कहाँबाट कसरी आइपुग्छन् थानकोटमा यतिका गाडी ?"><img alt="" src="https://www.dekhapadhi.com/storage/photos/shares/Social/Thankot-nagdhunga 1.jpg" /></a>
<div class="details">
<h5 class="title"><a href="/news/12260" target="_blank">कहाँबाट कसरी आइपुग्छन् थानकोटमा यतिका गाडी ?</a></h5>
</div>
</div>
</div>
</div>
<p>“जुन ठाउँबाट आएका हुन्, त्यहीँ ठाउँमै रोकेको भए यस्तो दुःख पाउने थिएनन्,” उनले भने, “प्रहरीले फर्काएपछि यात्रुहरू तल आएर जंगलैजंगल हिँडेर काठमाडौं पुग्छन्।” </p>
<p>तर, आजभोलि त्यो संख्या भने कम भएको वडाध्यक्ष राईको भनाइ छ। </p>
<p>गोरेटो बाटो हुँदै मानिसहरूको चाप बढेपछि स्थानीयले पहरा दिएरै कडाइ गर्दै आएका थिए। तर, पछिल्लो समय त्यो पनि रोकिएको स्थानीय व्यापारी बुद्ध लामा बताउँछन्। </p>
<blockquote>
<p><strong>महानगरीय प्रहरी वृत्त थानकोटका प्रहरी प्रमुख डिएसपी घनश्याम श्रेष्ठले फर्काइएकाहरू हिँडेर काठमाडौं प्रवेश गर्ने गरेको स्वीकार्छन्।</strong></p>
</blockquote>
<p>कतिपय क्षेत्रबाट हिँडेर आउनेहरू काठमाडौंको वाणभञ्ज्याङमा निस्किन्छन्। काठमाडौं प्रवेश नपाएर फर्काइएकाहरू कहाँ जान्छन् भन्ने आफूहरूलाई जानकारी नहुने झ्याप्लेखोलामा सुरक्षार्थ खटिएका प्रहरीहरू बताउँछन्। </p>
<p>“हामीले यहाँबाट माथि जान नदिने हो। फर्किएपछि कहाँ जान्छन् भन्ने कुरा हाम्रो चासोका विषय पनि होइन”, असई रञ्जन डंगोलले भने। <br />
महानगरीय प्रहरी वृत्त थानकोटका प्रहरी प्रमुख डिएसपी घनश्याम श्रेष्ठले फर्काइएकाहरू हिँडेर काठमाडौं प्रवेश गर्ने गरेको स्वीकार्छन्।</p>
<p>सरकारको निर्देशनअनुसार नै पास नभएकालाई फर्काउने गरेको भन्दै उनले भने, “फर्काएकाहरू हिँडेर नै काठमाडौं पुग्ने गरेको भन्ने जानकारी पाएका छौं।”</p>
<p>पास भएकाहरूलाई स्थानीय तहले नै नियमन गर्ने गरेको भन्दै डिएसपी श्रेष्ठले त्यसरी लुकीछिपी आउँदा समस्या भइरहेको बताए।</p>
<p>“त्यसरी आउनेहरूलाई स्थानीयको सहयोगमा सुरक्षित स्थानमा पनि राख्ने गरेका छौं। तर, त्यति गर्दा पनि आउने क्रम भने रोकिएको छैन,” डिएसपी श्रेष्ठ भन्छन्। </p>
प्रतिक्रिया दिनुहोस्
.jpg)
