लकडाउनमा १८ वटा सटरको भाडा छुट दिने मनकारी दम्पती
<p>कैलाली। धनगढीका एक दम्पतीले व्यवसायिक प्रयोजनका लागि लिँदै आएको सटर भाडामा ५० प्रतिशत छुट दिने घोषणा गरेका छन्। </p>
<p>मिश्र जनरल स्टोरका संचालक खेमराज मिश्र र पत्नी कुर्मा मिश्र दाहालले धनगढीको साल्ट ट्रेडिङ अगाडि रहेको 'धनगढी सुपर मार्केट' मा रहेका १८ वटा सटरको भाडा लकडाउनको तीन महीना अवधिको ५० प्रतिशत छुटको निर्णय गरेका हुन्।</p>
<p>मिश्र दम्पतीले ती सटरबाट मासिक २ लाख भाडा उठाउँदै आएका थिए। </p>
<p>कोरोना भाइरस संक्रमणको जोखिमका कारण लागू गरिएको लकडाउनमा व्यवसायीहरूले व्यापार गर्न नपाएकोले चैत, वैशाख र जेठको भाडामा राहत पुगोस् भनेर सो निर्णय गरिएको उनीहरूले बताएका छन्। <br />
<br />
सुपर मार्केटमा व्यवसाय गरिरहेका दीपक वाच सेन्टरका संचालक दीपक मण्डलले भाडामा भएको छुटले राहत पुगेको बताए। </p>
<p>मिश्र दम्पतीले डडेल्धुरामा पीसीआर मेसिन स्थापनाका लागि ह्युमानिटी फाउन्डेसनलाई एक लाख रूपैयाँ सहयोग गरेका थिए।</p>
प्रतिक्रिया दिनुहोस्
.jpg)
