सिमलामा एक नेपालीको जलेर मृत्यु
<p>काठमाडौं। भारतको सिमलामा स्याउ टिप्ने काम गर्दै आएका एक नेपालीको त्यहाँ आगलागीमा परी मृत्यु भएको छ।</p>
<p>घरमा आगलागी हुँदा ५५ वर्षीय राजु नाम गरेका ती नेपालीको जलेर मृत्यु भएको भारतीय दैनिक अखबार <em>हिन्दुस्तान टाइम्स</em>ले जनाएको छ। </p>
<p>राजु सिमलामा गिरिश गौतमको घरमा बस्दै आएका थिए। उनी उक्त घरमा दुई साता अघि मात्र सरेका थिए। </p>
<p>हिन्दूस्तान टाइम्सका अनुसार उनी बसेको घरमा गत शुक्रबार आगलागी भएको थियो।</p>
<p>गाउँलेहरूले घरमा आगलागी भएको शनिबार मात्र थाहा पाएका थिए।</p>
<p>त्यसपछि गाउँलेहरूले स्थानीय प्रहरीलाई खबर गरेका थिए। </p>
<p>प्रहरीले आएर जलेको घरमा खोजी गर्दा ७० प्रतिशत शरीर जलेको अवस्थामा उनको शव भेटिएको थियो।</p>
<p>डीएसपी रामपुर बुशहर अभिमन्य वर्माले घटनाको थप अनुसन्धान भइरहेको अखबारलाई बताएका छन्। </p>
प्रतिक्रिया दिनुहोस्
.jpg)
