कपिलवस्तु र झापामा डुबेर दुई बालबालिकाको मृत्यु
<p>काठमाडौं। कपिलवस्तु र झापामा कुलोमा डुबेर दुईजना बालबालिकाको मृत्यु भएको छ।</p>
<p>कपिलवस्तुको वाणगंगा नगरपालिका-३ सिउटी बस्ने राजेन्द्र थारुकी २ वर्षीया छोरी अंकिता थारुको घर नजिकै रहेको कुलोमा डुबेर शनिबार बिहान मृत्यु भएको प्रहरीले जनाएको छ। </p>
<p>कुलोमा डुबी हराएको भन्ने खबर प्राप्त हुनासाथ प्रहरी चौकी गजेडा र इलाका प्रहरी कार्यालय पिपराबाट खटिएको प्रहरीले स्थानीयको सहयोगमा खोजी गर्ने क्रममा सोही ठाउँस्थित पिपराहवा भन्ने स्थानको कुलोमा उनको शव फेला पारेको हो ।</p>
<p>यस्तै झापाको शिवसताक्षी नगरपालिका-८ काभ्रे चोक बस्ने मिलन कुमार बिष्टको ३ वर्षीय छोरा सम्यमकुमार बिष्टको घर नजिकै रहेको कुलोको पानीमा खेल्ने क्रममा डुबेर शुक्रबार दिउँसो मृत्यु भएको छ। </p>
<p>कुलोमा डुबेर अशक्त भएका उनको बीएण्डसी अस्पताल बिर्तामोडमा उपचारको क्रममा मृत्यु भएको हो।</p>
<p>घटनाका सम्बन्धमा स्थानीय प्रहरीले थप अनुसन्धान गरिरहेको छ।</p>
प्रतिक्रिया दिनुहोस्
