दुई अर्ब डलर जरिवानामा पर्यो जोन्सन एन्ड जोन्सन
<p>काठमाडाैं। शरीरका लागि घातक मानिएको टेलकम पाउडर बिक्री गरेको भन्दै औषधि उत्पादक जोन्सन एन्ड जोन्सन कम्पनीले दुई अर्ब १० करोड डलर जरिवाना तिर्नुपर्ने भएको छ।</p>
<p>संयुक्तराज्य अमेरिकाको एक अदालतले जोन्सन एन्ड जोन्सन कम्पनीलाई यति ठूलो रकम जरिवाना तिर्न आदेश दिएको हो।</p>
<p>प्रारम्भिक मुद्दामा करीब चार अर्ब ४० करोड जरिवाना माग दाबी गरिएको थियो।</p>
<p>अदालतको आदेशमा जोन्सनले जानाजान क्यान्सर रोग लगाउन सक्ने तत्व अस्वेस्टोस मिश्रित टेलकम पाउडर उपभोक्तालाई बिक्री गरेको उल्लेख छ।</p>
<p>सन् २०१९ मा पनि क्यालिफोर्नियाको अदालतले एक बालिकालाई जोन्सनको टेलकम पाउडरका कारण क्यान्सर भएको भन्दै दशौं लाख अमेरिकी डलर जरिवाना तिराएको थियो।</p>
<p>गत महीना जोन्सनले अमेरिका र क्यानडामा टाल्क मिश्रित बच्चाका लागि पाउडर उत्पादन नगरिने घोषणा गरेको थियो। तर, कम्पनीले विश्वका अरू देशमा भने यसको बिक्री यथावत् राख्ने जनाएको छ।</p>
<p>जोन्सन एन्ड जोन्सनकी एक प्रवक्ताले अदालतको आदेशविरुद्ध मिजौरीको सर्वोच्च अदालतमा जाने बताएकी छन्। <em>एएफपी</em></p>
प्रतिक्रिया दिनुहोस्
.jpg)
