मंगोलियामा भएको संसदीय निर्वाचनमा न्यून सहभागिता
<p>उलानबटोर। मंगोलियामा आज भएको संसदीय निर्वाचनमा अतिन्यून सहभागिता भएको छ।</p>
<p>सरकारी अधिकारीहरूले दिएको जानकारी अनुसार निर्वाचनमा मध्याह्नसम्ममा २५.१३ प्रतिशत मतदाता मात्रै सहभागी भएका छन्।</p>
<p>मतदान स्थानीय समयअनुसार बिहान ७ बजे शुरू भएको थियो।</p>
<p>मतदानका लागि देशभर दुई हजार ७० मतदान केन्द्रहरू स्थापना गरिएका छन्।</p>
<p>निर्वाचनमा कम्तीमा १३ राजनीतिक पार्टी, चारवटा गठबन्धन र १३७ जना स्वतन्त्र उम्मेदवार चुनावी प्रतिस्पर्धामा छन्।</p>
<p>निर्वाचनमा मतदान गर्नका लागि देशभर झण्डै २१ लाख जनाको नाम मतदाता नामावलीमा छ।</p>
<p>मंगोलियाको एक सदनात्मक स्टेट ग्रेट खुरालमा निर्वाचनबाट ७६ जना सांसद चार वर्षे कार्यकालका लागि निर्वाचित हुनेछन्।</p>
<p><em>- रासस/सिन्ह्वा</em></p>
प्रतिक्रिया दिनुहोस्
.jpg)
