पोखरीमा डुबेर युवतीको मृत्यु
<p>काठमाडौं। रौतहट र कपिलवस्तुमा हिजो फरक दुर्घटनामा परी दुईजनाले ज्यान गुमाएका छन्।</p>
<p>रौतहटको माधव नारायण नगरपालिकास्थित सखुअवामा नुहाउने क्रममा पोखरीमा डुबेर एक युवतीको मृत्यु भएको नेपाल प्रहरीले जनाएको छ।</p>
<p>प्रहरीले जनाएअनुसार स्थानीय सार्वजनिक पोखरीमा नुहाउने क्रममा डुबेर हिजो दिउँसो २३ वर्षीय संगीताकुमारी महराको ज्यान गएको थियो।</p>
<p>यसैगरी कपिलवस्तुको यसाेधरा गाउँपालिकामा छतबाट लडेर ६० वर्षे एक भारतीय कृषि मजदुरको मृत्यु भएको छ।</p>
<p>गाउँपालिकाको रंगपुरमा रोपाइँ गर्न आएका भारतको कुसिनगर थानाखडा ग्राम महादेव विशेश्वरपुरका झुलन मुसहरको छतबाट खस्दा मृत्यु भएको थियो।</p>
<p>गयराति छतमा सुतिरहेको अवस्थामा अचानक छतबाट खसेर उनको मृत्यु भएको प्रहरीले जनाएको छ।</p>
प्रतिक्रिया दिनुहोस्
.jpg)
