७५ प्रतिशत हाजिरी नभएका विद्यार्थी एसईईको आन्तरिक मूल्यांकनमा सहभागी हुन नपाउने
<p>काठमाडौं। माध्यमिक शिक्षा परीक्षा (एसईई) का लागि ७५ प्रतिशत हाजिरी भएका विद्यार्थीमात्र आन्तरिक परीक्षामा सहभागी हुन पाउने भएका छन्। </p>
<p>राष्ट्रिय परीक्षा बोर्डले जारी गरेको एसईईका विद्यार्थीको मूल्यांकन, नतिजा प्रकाशन तथा प्रमाणीकरण कार्यविधि २०७७ ले आन्तरिक मूल्यांकनमा सहभागी हुनका लागि ७५ प्रतिशत हाजिरी अनिवार्य गरेको हो।<br />
<br />
कार्यविधिअनुसार सम्बन्धित विद्यालयको प्रधानाध्यापकको संयोजकत्वमा तीन सदस्यीय मूल्यांकन समिति गठन गरिनेछ। उक्त समितिले विद्यार्थीलाई परीक्षा आवेदन फाराम भरेको, परीक्षा दस्तुर बुझाएको र पाठ्यक्रमले तोकेबमोजिम न्यूनतम ७५ प्रतिशत हाजिरी भएका विद्यार्थीको मात्र मूल्यांकनबापतको अंक पठाउनुपर्ने कार्यविधिमा उल्लेख छ।</p>
<blockquote>
<p>नियमित, आंशिक र ग्रेडवृद्धि परीक्षामा सहभागी हुन परीक्षा आवेदन फाराम भरेका विद्यार्थीहरूको अलग-अलग समष्टिगत प्राप्तांक विवरण तयार गर्नुपर्ने छ।</p>
</blockquote>
<p>विद्यालयमा सञ्चालित कार्यक्रमअनुसार (साधारण/संस्कृत/प्राविधिक) विद्यार्थीहरूको संख्या एकीन गरी विषयगत रूपमा सैद्धान्तिक र प्रयोगात्मक मूल्यांकनको प्राप्तांक विवरण तयार गर्नुपर्नेछ।<br />
<br />
नियमित, आंशिक र ग्रेडवृद्धि परीक्षामा सहभागी हुन परीक्षा आवेदन फाराम भरेका विद्यार्थीहरूको अलग-अलग समष्टिगत प्राप्तांक विवरण तयार गर्नुपर्नेछ।</p>
<p>त्यस्तै प्राप्तांक चढाउँदा विद्यार्थीको सिम्बोल नम्बरको बढ्दो क्रममा चढाउनुपर्नेछ। मूल्यांकन समितिले तयार गरेको प्राप्तांक विवरण परीक्षा नियन्त्रण कार्यालयले उपलब्ध गराएबमोजिमको विद्युतीय प्रणाली (अनलाइन/अफलाइन) मा प्रविष्टि गर्नेछ।<br />
<br />
मूल्यांकन समितिका सबै सदस्यले हस्ताक्षर गरी विद्यालयको छापसमेत लगाई तीनप्रति शिक्षा विकास तथा समन्वय एकाईमा बुझाउनुपर्नेछ। सो मध्ये एकप्रति एकाईबाट प्रमाणित गराई प्रधानाध्यापकले विद्यालयमा अभिलेखको रूपमा राख्नुपर्ने छ।<br />
<br />
बोर्डले परीक्षाफल प्रकाशन नगरेसम्म विद्यालयले मूल्यांकन विवरण गोप्य राख्नुपर्ने कार्यविधिमा उल्लेख छ।</p>
प्रतिक्रिया दिनुहोस्
.jpg)
