कोरोना संक्रमित बढेपछि एक सातालाई बैतडी सदरमुकाम 'सिल'
<p>कैलाली। कोरोना भाइरस संक्रमित बढ्दै गएपछि बैतडीको सदरमुकाम दशरथचन्द नगरपालिका 'सिल' गरिएको छ। </p>
<p>नगरभित्र कोरोना संक्रमण फैलिँदै गएको भन्दै नगरपालिकाले आजदेखि १६ असारसम्मलाई 'सिल' गर्ने निर्णय गरेको मेयर नरेन्द्रसिंह थापाले बताए। </p>
<p>उनले नगरपालिकाभित्र अत्यावश्यक खाद्यान्नका मालवाहक सवारीसाधन, दूधका ट्यांकर, एम्बुलेन्सलगायतका साधनहरु भने सञ्चालन हुने जानकारी दिए।</p>
<p>सरोकारवालाहरूसँगको छलफलपछि स्थानीय प्रशासन ऐन २०२८ को ६९३० 'क' र संक्रामक रोग ऐन दफा २० बमोजिम नगरभित्र अत्यावश्यक सेवाबाहेक अन्य सेवामा पूर्ण रोक लगाइएको थापाले बताए।</p>
<p>सामाजिक दूरी कायम गर्दै औषधि पसल खोल्न, जन्ती र ब्रतबन्धमा १५ जनासम्म सहभागी हुन पाइने नगरपालिकाले सार्वजनिक सूचनामार्फत जनाएको छ। </p>
<p>बैंक तथा वित्तीय संस्था हप्ताको ३ दिन आइतबार, मंगलबार र बिहीबार मात्रै खोल्न सकिने जनाइएको छ।</p>
<p>यसअघि ८ असारदेखि एकसाताको लागि बैतडीकै पाटन नगरपालिकाले बजार क्षेत्र 'सिल' गरिसकेको छ।</p>
प्रतिक्रिया दिनुहोस्
.jpg)
