क्वारेन्टाइनबाट फर्किएपछि मृत्यु भएका युवकको शव २७ घण्टापछि उठाइयो
<p style="text-align: justify;">कैलाली। क्वारेन्टाइनबाट घर गएपछि मृत्यु भएका युवकको शव २७ घण्टापछि उठाइएको छ। </p>
<p style="text-align: justify;">क्वारेन्टाइनबाट घर गएको दोस्रो दिन मृत्यु भएका लम्किचुहा नगरपालिकाका बालकृष्ण बजगाईंको कोभिड-१९ रिपोर्ट नेगेटिभ आएपछि उनको शव सडकबाट उठाइएको हो।</p>
<p style="text-align: justify;">१३ दिन क्वारेन्टाइनमा बसेर ७ असारमा घर फर्किएका कैलालीको लम्कीचुहा नगरपालिका- ७ का ३६ वर्षीय बजगाईंको ८ असार साँझ मृत्यु भएको थियो । </p>
<p style="text-align: justify;">क्वारेन्टाइनबाट आएको भन्दै कसैले शव उठाउन नमाने पछि झन्डै २७ घण्टा उनको शव सडक किनारमा थियो। </p>
<p style="text-align: justify;">मृत्युपछि थ्रोट स्वाब परीक्षण गरिएकोमा कोरोना संक्रमण नदेखिएको जिल्ला प्रहरी कार्यालय कैलालीका प्रहरी नायव उपरीक्षक प्रतिक विष्टले बताए।<br />
<br />
उनको शव पोष्टमार्टमका लागि टीकापुर अस्पतालमा राखिएको विष्टले बताए।</p>
.jpg)
