इटालियन सिरी 'ए' मा नेपोलीको जित
<p>काठमाडौं। आर्कडिउज मिलिक र हार्भिङ लोजानोको गोलमा नेपोलीले गएराति हेलास भेरोनालाई २-० ले पराजित गरेको छ। </p>
<p>भ्रमणकारी नेपोलीले ३८औं मिनेटमा अग्रता लिएको थियो। माटेयो पोलिटानोको पासमा मलिकले गोल गर्दै नेपोलीलाई अग्रता दिएका थिए। </p>
<p>६१औं मिनेटमा मार्को डेभिड फाराओनीले गोल गरे पनि भिडिओ सहायक रेफ्री (भीएआर) ले गोलको मान्यता दिएन। अन्तिम मिनेटमा लोजानोले गोल गर्दै नेपोलीको तीन अंक पक्का गरे। </p>
<p>नेपोली ४२ अंकका साथ छैटौं स्थानमा छ। जुन चौथो स्थानको एटलान्टाभन्दा ९ अंकले पछाडि हो। एटलान्टाले अझै एक खेल कम खेलेको छ। हेलास भेरोना भने ३८ अंकका साथ नवौं स्थानमा छ। </p>
<p>गएराति नै सम्पन्न अर्को खेलमा दशौं स्थानको क्यागलियारीले रेलिगेशन क्षेत्रमा रहेको एसपललाई १-० ले पराजित गर्‍यो। </p>
<p>आन्द्रेस कोर्नेलियसको ह्याट्रिकमा पार्माले जेनोवालाई ४-१ ले हरायो। पार्मा सातौं स्थानमा छ भने जेनोवा १७औं स्थानमा छ। १४औं स्थानको टोरिनोले १५औं स्थानको उडिनेसलाई १-० ले पराजित गर्‍यो।</p>
प्रतिक्रिया दिनुहोस्
.jpg)
