विश्वमा एकैदिन १ लाख ६० हजार बढी कोरोना संक्रमित थपिए, साढे ५ हजारको मृत्यु
<p>काठमाडौं। हिजो, ९ असार एकैदिन विश्वमा कोरोना भाइरसका एक लाख ६० हजार ६४५ जना नयाँ संक्रमित थपिएका छन्। </p>
<p>सो अवधिमा कोभिड-१९ बाट विश्वमा पाँच हजार ४३६ जनाको मृत्यु भएको छ। </p>
<p>वल्डोमिटर्सको तथ्यांक अनुसार हिजो सबैभन्दा बढी ब्राजिलमा संक्रमित थपिएका छन्। ब्राजिलमा पछिल्लो २४ घण्टामा ४० हजार १३१ जनामा संक्रमण देखिएको हो। सोही अवधिमा ब्राजिलमा कोभिड-१९ बाट एक हजार ३६४ जनाको मृत्यु भएको तथ्यांक छ। </p>
<p>ब्राजिलपछि मंगलबार अमेरिकामा ३५ हजार ९९१ जना कोरोनाका नयाँ संक्रमित पुष्टि भएका छन्। अमेरिकामा पछिल्लो २४ घण्टामा ८६३ जनाको मृत्यु भएको छ। </p>
<p>भारतमा मंगलबार १५ हजार ६१२ जना संक्रमित थपिएका छन् भने पछिल्लो २४ घण्टामा यहाँ ४६८ जनाको मृत्यु भएको छ। </p>
<p>रुसमा ७ हजार ४२५ जना संक्रमित भेटिएकामा १५३ जनाको मृत्यु भएको वल्डोमिटर्सको तथ्यांकमा उल्लेख छ।</p>
<p>पछिल्लो तथ्यांकअनुसार विश्वभर कोरोना संक्रमितको संख्या ९३ लाख ४३ हजार २२० पुगेको छ। चार लाख ७८ हजार ९२० जनाले कोभिड-१९ बाट ज्यान गुमाएका छन्। </p>
प्रतिक्रिया दिनुहोस्
.jpg)
