दमका रोगी काेराेना संक्रमणमुक्त भएर घर फिरे
<p>काठमाडाैं। कोरोना भाइरस संक्रमणले विश्व नै प्रभावित भइरहेका बेला दाङका एक ७० वर्षीयले कोरोना जितेका छन्। </p>
<p>लामो समयदेखि दम रोगको समस्याबाट ग्रसित बंगलाचुली गाउँपालिका-१ का वृद्ध कोरोना संक्रमणमुक्त भएर घर फर्किएका छन्। </p>
<p>२० जेठमा भारतबाट आई बंगलाचुली-१, स्यूजाको क्वारेन्टाइनमा बसेका १३१ जनाको स्वाब परीक्षण गर्दा उनीसहित दुईजनामा कोरोना पोजिटिभ देखिएको थियो।</p>
<p>नतिजा पोजिटिभ आएपछि उनी कोरोना विशेष अस्पताल बेलझुण्डीमा भर्ना भएका थिए।</p>
<p>“कोरोनाबाट बाँच्नका लागि भनेर नेपाल आउँदा उल्टै कोरोनाले भेटाएछ, अब त मरिन्छ कि भनेको, बाँचेर फर्कँदा खुशी लागेको छ”, उनले भने। <em>रासस</em></p>
प्रतिक्रिया दिनुहोस्
.jpg)
