प्युठानकाे क्वारेन्टाइनमा जन्मियो शिशु
<p style="text-align: justify;">प्युठान। प्युठानको एक क्वारेन्टाइनमा बसेकी गर्भवतीले शिशु जन्माएकी छन्। </p>
<p style="text-align: justify;">मल्लरानी गाउँपालिका-४ स्थित जनजागृति माध्यमिक विद्यालय कसेरी क्वारेन्टाइनमा बसेकी १८ वर्षीया सीता खड्काले छोरा जन्माएकी हुन्। </p>
<p style="text-align: justify;">क्वारेन्टाइनमा सुत्केरी व्यथा लागेपछि उनलाई प्राथमिक स्वास्थ्य केन्द्र खलंगा लगिएकाे थियाे।</p>
<p style="text-align: justify;">स्वास्थ्य केन्द्रमै आज बिहान करिब ८ बजे उनी सुत्केरी भएको गाउँपालिकाका स्वास्थ्य शाखा प्रमुख पारस शाहीले बताए। </p>
<p style="text-align: justify;">आमा र शिशु दुवैको स्वास्थ्यावस्था सामान्य रहेको जनाइएको छ।</p>
<p style="text-align: justify;">खड्काको आरडीटी रिपोर्ट नेगेटिभ आएको छ।</p>
<p style="text-align: justify;">पीसीआर लिने/नलिने विषयमा छलफल भइरहेको स्वास्थ्य शाखा प्रमुख शाहीले बताए।</p>
<p style="text-align: justify;">खड्का आफ्ना श्रीमानसँग १ असारमा भारतबाट आई क्वारेन्टाइनमा बसेकी थिइन्। <em>रासस</em></p>
.jpg)
