जीर्ण पोल परिवर्तनका लागि भाेलि विद्युत् लाइन काटिने
<p>काठमाडाैं। नेपाल विद्युत् प्राधिकरणले भाेलि, ९ असारमा काठमाडौंका विभिन्न स्थानमा लाइन काट्ने भएको छ।</p>
<p>प्राधिकरणका सूचना अधिकारी लीला अर्यालका अनुसार जीर्ण अवस्थामा रहेका पोल परिवर्तन गर्नुपर्ने भएकाले विद्युत् काटिन लागेको हो।</p>
<p>प्राधिकरणको सूचनामा भनिएको छ, “महाराजगञ्ज वितरण केन्द्रको गणेशथान फिडरबाट वितरीत लाइन बूढानीलकण्ठ नगरपालिका-२, गणेशचोकको जीर्ण एच टी लाइनको पोल परिवर्तन गर्नुपर्ने भएकाले मंगलबार लाइन काटिनेछ।”</p>
<p>प्राधिकरणका अनुसार मध्याह्न १२ बजेदेखि साँझ ५ बजेसम्म विद्युत् काटिनेछ।</p>
<p>प्राधिकरणका अनुसार सो उक्त फिडरअन्तर्गत घुम्ती, धापासी, च्यासिन्टोल, हात्तीगौंडा, बालुवाडिपो, हेपालीलगायतका क्षेत्रमा विद्युत् काटिनेछ।</p>
<p>प्राधिकरणले ग्राहक वर्गमा पर्न गएको असुविधाप्रति क्षमा माग्दै कार्य निर्धारित समयअगावै सम्पन्न भएमा सो समयभन्दा अगावै लाइन सञ्चालनमा आउने जनाएको छ। <em>रासस</em></p>
प्रतिक्रिया दिनुहोस्
.jpg)
