रसुवाबाहेक ७६ जिल्लामा कोरोना संक्रमित भेटिए
<p>काठमाडौं। ७७ जिल्लामध्ये ७६ जिल्लामा कोरोना भाइरसको संक्रमण देखिएको छ। </p>
<p>अहिलेसम्म रसुवाबाहेक ७६ जिल्लामा संक्रमितहरू फेला परेको स्वास्थ्य मन्त्रालयका प्रवक्ता डा. जागेश्वर गौतमले बताए। </p>
<p>आज थप ५३५ जनामा संक्रमण देखिएको छ। </p>
<p>देशका २२ वटा प्रयोगशालामा गरिएको परीक्षणमा ४६१ पुरुष र ७४ महिलामा कोभिड-१९ पुष्‍टि भएको हो। </p>
<p>नयाँ सङ्क्रमितसँगै कूल सङ्क्रमितको सङ्ख्या नौ हजार ५६१ पुगेको छ। तीमध्ये आठ हजार ६६७ पुरुष र ८९४ महिला रहेका छन्। <em>रासस</em></p>
प्रतिक्रिया दिनुहोस्
.jpg)
