भारतबाट फर्किएकालाई कैलालीको नाकामा खुवाउँदै आएको निशुल्क खाना स्थगित
<p>कैलाली। रोयल कोलाबोरेटिभ्स प्रालि धनगढीले त्रिनगर भन्सार नाकामा संचालन गर्दै आएको निशुल्क खाना घर आजदेखि स्थगित गरेको जनाएको छ। </p>
<p>प्रालिले आज पत्रकार सम्मेलनमार्फत खानाघर स्थगित गरिएको जानकारी दिएको हो। </p>
<p>९ जेठदेखि शुरू गरिएको खानाघर ६ असारसम्म ६५ हजार ६०३ प्लेट खाना खुवाइएको प्रालिका अध्यक्ष गजेन्द्रविक्रम शाहीले बताए। </p>
<p>निशुल्क खाना घरमा निशर्ग अस्पताल धनगढी, कैलाली उद्योग बाणिज्य संघ, धनगढी उपमहानगरपालिका, रुडुक लगायत विभिन्न संघसंस्था र व्यक्तिहरूले सहयोग गरेको बताउँदै प्रालिले धन्यवाद दिएको छ। </p>
<p>अहिलेलाई स्थगित मात्र गरिएको हो अभियान नै बन्द गरिएको होइन भन्दै अध्यक्ष शाहीले आवश्यक परेको खण्डमा पुन: यो अभियान शुरू गरिने बताए। </p>
<p>प्रालिका सदस्यहरू देवेन्द्र जोशी, ईन्द्र विनाडी, दिनेश शाह, रचित शाहले घरमा नगइ निरन्तर अभियानमा साथ दिएकोले सम्पूर्ण सदस्यलाई धन्यवाद दिए। </p>
प्रतिक्रिया दिनुहोस्
.jpg)
