प्युठान : शुल्क तिरेका विद्यार्थीले पाउने भए रकम फिर्ता
<p>प्युठान। प्युठान नगरपालिकाले चालू आर्थिक वर्षमा नगर क्षेत्रमा कक्षा १ देखि १० सम्म निःशुल्क शिक्षा कार्यक्रम लागू गरेको छ।</p>
<p>यसका लागि आर्थिक वर्ष २०७६/०७७ को बजेटमार्फत् नगरपालिकाले निःशुल्क शिक्षाको कार्यक्रम अघि सारेको थियो।</p>
<p>नगरपालिकाले भर्ना अभियानका क्रममा शुल्क तिरेका विद्यार्थीलाई रकम फिर्ता गर्ने गरी सामुदायिक विद्यालयका खातामा रकम जम्मा गरिदिएको छ।</p>
<p>शैक्षिक गुणस्तर अभिवृद्धि गर्ने उद्देश्यले नगरपालिकाले गरेको निर्णयको कार्यान्वयन गर्दै ३४ सामुदायिक विद्यालयका खातामा रकम जम्मा गरिएको नगरपालिकाका शिक्षा स्रोत व्यक्ति विष्णु पोख्रेलले बताए।</p>
<p>निःशुल्क शिक्षाकै लागि नगरपालिकाले ती विद्यालयका लागि ६३ लाख रूपैयाँ उपलब्ध गराएको उनको भनाइ छ। <em>रासस</em></p>
प्रतिक्रिया दिनुहोस्
.jpg)
