ब्राजिलमा कोरोना कारण ५० हजार ६५९ ले गुमाए ज्यान
<p>काठमाडौं। ल्याटिन अमेरिकी राष्‍ट्र ब्राजिलमा कोरोना भाइरस संक्रमणका कारण ५० हजार ६ सय ५९ जनाको मृत्यु भएको छ। कोरोना भाइरसका कारण ज्यान गुमाउनेको सबैभन्दा ठूलो संख्या अमेरिकापछि ब्राजिलमा छ।</p>
<p>कोरोनाका कारण ५० हजारभन्दा बढीको मृत्यु हुने दुई राष्‍ट्रमा अमेरिका र ब्राजिल छन्। अमेरिकामा हालसम्म १ लाख २२ हजार २ सय ४७ जनाले कोरोना कारण ज्यान गुमाइसकेका छन्।</p>
<blockquote>
<p>ब्राजिलमा कोरोना भाइरस संक्रमितको संख्या १० लाख ८६ हजार ९ सय ९० पुगेको छ। संक्रमितको संख्या पनि अमेरिकापछि सबैभन्दा बढी ब्राजिलमा छ।</p>
</blockquote>
<p>ब्राजिलमा कोरोना भाइरस संक्रमितको संख्या १० लाख ८६ हजार ९ सय ९० पुगेको छ। संक्रमितको संख्या पनि अमेरिकापछि सबैभन्दा बढी ब्राजिलमा छ। अमेरिकामा कोरोना संक्रमितको संख्या २३ लाख ५६ हजार ६ सय ५७ छ। १० लाखभन्दा बढी कोरोना भाइरस संक्रमित हुने विश्वमा अमेरिका र ब्राजिल दुई राष्‍ट्र मात्र हुन्।</p>
<p>ब्राजिलमा हालसम्म ५ लाख ७९ हजार २ सय २६ जना संक्रमित उपचारपछि निको भइसकेका छन्। संक्रमितमध्ये १६ हजार ४ सय ७७ जनाको स्वास्थ्य अवस्था गम्भीर छ। कोरोना भाइरसको आशंकामा ब्राजिलमा हालसम्म २४ लाख ३० हजार ३ सय ४७ जनाको स्वास्थ्य परीक्षण गरिएको छ।</p>
प्रतिक्रिया दिनुहोस्
.jpg)
