विश्वमा कोरोना संक्रमितको संख्या ९० लाख नाघ्यो
<p>काठमाडौं । कोरोना भाइरस पहिलोपटक देखिएयताको ६ महीनामा विश्‍वमा यसबाट संक्रमित हुनेको संख्या ९० लाख नाघेको छ। </p>
<p>वल्डोमिटर्सको तथ्यांकअनुसार हिजोसम्म विश्‍वका ९० लाख ३८ हजार ७ सय ९६ जनामा कोरोना भाइरस संक्रमण पुष्टी भएको छ। यो अवधिमा कोरोनाका कारण विश्‍वमा ४ लाख ६९ हजार ६ सय ४ जनाको मृत्यु भइसकेको छ। </p>
<p>कोरोना भाइरस विश्‍वमा पहिलो पटक सन् २०१९ डिसेम्बर अन्तिम साता चीनको हुबेइ प्रान्तको राजधानी वुहानमा देखिएको थियो। त्यसयता यो भाइरस विश्‍वका २ सय १३ देश तथा क्षेत्रमा फैलिसकेको छ। </p>
<p>विश्‍वमा रहेका कोरोना भाइरसका कुल संक्रमितमध्ये हालसम्म ४८ लाख ३३ हजार ५ सय २१ जना उपचारपछि निको भई घर फर्केका छन्। हाल विश्‍वमा ३७ लाख ३५ हजार ६ सय ७१ जना संक्रमित उपचारत छन्।</p>
<p>विश्‍वमा सबैभन्दा बढी कोरोना भाइरसका संक्रमित अमेरिकामा छन् भने सबैभन्दा ठूलो संख्यामा मृत्यु पनि त्यहीं भएको छ। अमेरिकामा कोरोना संक्रमितको संख्या २३ लाख ५६ हजार ६ सय ४५ पुगेको छ, जसमध्ये १ लाख २२ हजार २ सय ४७ जनाले ज्यान गुमाइसकेका छन्। </p>
<p>ब्राजिलमा कोरोना संक्रमितको संख्या १० लाख ८६ हजार ९ सय ९० पुगेको छ। यीमध्ये ५० हजार ६ सय ५९ जनाको मृत्यु भइसकेको छ। रुसमा हालसम्म ५ लाख ८४ हजार ६ सय ८० जनामा कोरोना पुष्टी भएको छ। रुसमा ८ हजार १ सय ११ जनाले ज्यान गुमाएका छन्।</p>
<p>भारतमा ४ लाख २६ हजार ९ सय १० जनामा कोरोना संक्रमण पुष्टि भएको छ, जसमध्ये १३ हजार ७ सय ३ जनाको मृत्यु भइसकेको छ। बेलायतमा कोरोना संक्रमित हुनेको संख्या ३ लाख ४ हजार ३ सय ३१ पुगेको छ। तीमध्ये ४२ हजार ६ सय ३२ जनाको मृत्यु बेलायतमा भएको छ।</p>
<p>नेपालमा कोरोना भाइरसको पहिलो संक्रमित गत ९ माघमा भेटिएका थिए। त्यसयता नेपालमा ९ हजार २६ जनामा कोरोना संक्रमण रहेको पुष्टी भएको छ। नेपालमा रहेका संक्रमितमध्ये १ हजार ७ सय ७२ जना उपचारपछि निको भई अस्पतालबाट घर फर्किसकेका छन् भने २३ जनाको मृत्यु भएको छ।</p>
प्रतिक्रिया दिनुहोस्
.jpg)
