नेपाल–चीन सीमाकाे १ नम्बर पिल्लरमा पुग्यो सशस्त्रको गस्ती टाेली
<p>दार्चुला। व्यासको छांगरूमा स्थापना भएको सशस्त्र प्रहरीको टोली नेपाल-चीन सीमा क्षेत्रमा पुगेर फर्किएको छ।</p>
<p>सशस्त्र प्रहरी निरीक्षक लिलिबहादुर चन्द नेतृत्वको २५ जना सशस्त्र प्रहरीको टोली नेपाल-चीन सीमा १ नम्बर सीमा स्तम्भसम्म पुगेको हो।</p>
<p>३ असारमा फोर्स मार्चमा हिँडेको सशस्त्रको टोली हिजो, ६ असारमा १ नम्बर पिल्लर पुगेर फर्किएको सशस्त्र प्रहरी बल नम्बर ५० गुल्मका डीएसपी डम्बरबहादुर बिष्टले जानकारी दिए।</p>
<p>“३ असारमा फोर्स मार्चमा गएको टोली नेपाल चीन सीमा क्षेत्रको १ नम्बर पिल्लर क्षेत्र पुगेर फर्किएको छ। छांगरूमा बीओपी स्थापना भएपछि पहिलोपटक त्यहाँ पुगेको हो”, डीएसपी बिष्टले भने।</p>
<p>३१ असारमा छांगरूमा सशस्त्र प्रहरीको बीओपी स्थापना गरिएको थियो। २५ जनाको टोलीले नेपाल, भारत र चीन त्रिदेशीय सीमा क्षेत्रमा नियमित गस्ती गरिरहेको उनकाे भनाइ छ।</p>
<p>सशस्त्रको टोलीले लिपुखोलामा भारतीय पक्षले लगाएको काठेपुल समेत हटाएको छ। आफ्नो क्षेत्रमा सशस्त्र प्रहरीले नियमित गस्ती गर्न थालेपछि व्यासवासीले सुरक्षाको अनुभूति गर्न थालेका छन्।</p>
<p>सीमा सुरक्षार्थ खटिएका सशस्त्रले सीमा क्षेत्रमा हुने अन्य अपराधिक गतिविधिहरू पनि न्यूनीकरण हुने अपेक्षा स्थानीयको छ।</p>
प्रतिक्रिया दिनुहोस्
.jpg)
