गोदावरी नगरपालिकाका संक्रमित वडाध्यक्ष १५ दिनमा डिस्चार्ज
<p>कैलाली। गत २४ जेठमा कोरोना भाइरस संक्रमण देखिएका कैलालीको गोदावरी नगरपालिका-१ का अध्यक्ष शर्मानन्द भट्ट डिस्चार्ज भएका छन्। </p>
<p>पछिल्लो दुईपटक गरिएको परीक्षणमा कोभिड-१९ रिपोर्ट नेगेटिभ आएपछि वडाध्यक्ष भट्टलाई केही दिन होम आइसोलेसमना बस्‍ने गरी डिस्चार्ज गरिएको हो।</p>
<p>नगरपालिकाका प्रवक्ता समेत रहेका उनी कोरोना संक्रमणमुक्त भएर १५ दिनमा डिस्चार्ज भएका हुन्। </p>
<p>अहिले नगरपालिकाले निर्माण गरेको स्वास्थ्य शाखाको आइसोलेसनमा बसेका भट्टले मनोबल उच्च राखेमा कोरोनालाई परास्त गर्न सकिने प्रतिक्रिया दिएका छन्।</p>
<p>भारतबाट फर्किएका नगरक्षेत्रका वासिन्दाको उद्धार तथा क्वारेन्टाइनको व्यवस्थापनमा खटिएका वडाध्यक्ष भट्टमा कोरोना संक्रमण पुष्‍टि भएको थियो। </p>
<p>भट्टले दुई दिन श्वास फेर्न गाह्रो भएपछि औषधि सेवन गरेपनि दैनिक शारीरिक व्यायाम गर्ने, बेलाबेला तातोपानी खाने गरेको बताए। </p>
<p><em>(वडाअध्यक्ष भट्टकै अनुमतिमा हामीले नाम र सार्वजनिक गरेका हौं- सं)</em></p>
प्रतिक्रिया दिनुहोस्
.jpg)
