बलिउड अभिनेत्री सोनाक्षी सिन्हाले बन्द गरिन् ट्विटर अकाउन्ट
<p>काठमाडौं । बलिउड अभिनेत्री सोनाक्षी सिन्हाले आफ्नो ट्विटर अकाउन्ट डिएक्टिभेट गरेकी छन्। ट्विटरमा नकारात्मक भावना बढी आएकाले त्यसबाट बच्‍न अकाउन्ट बन्द गर्नुपरेको उनले जनाएकी छन्। </p>
<p>मानसिक स्वास्थ्यलाई बचाउन पनि ट्विटर अकाउन्ट बन्द गर्नुपरेको उनले बताएकी छन्। यो घोषणा उनले आफ्नो इन्स्टाग्राममार्फत गरेकी हुन्।</p>
<p>इन्स्टाग्राममा उनले आफ्नो ट्विटर पोस्टको स्क्रिनसट पनि राखेकी छन्। जहाँ लेखिएको छ, ‘आफ्नो मानसिक स्वास्थ्यलाई बचाउन र नकारात्मक भावनाबाट टाढा रहन पहिलो कदम उठाउँदै छु। आफ्नो ट्विटर अकाउन्ट डिएक्टिभेट गर्दैछु। बाई ।’</p>
<p>यो सन्देश राख्‍नेबित्तिकै सोनाक्षीले इन्स्टाग्रामको ‘कमेन्ट सेक्सन’लाई पनि ‘डिसेबल’ (प्रतिक्रिया जनाउन नमिल्ने) गरेकी छन् । त्यसपछि उनले लेखेकी छन्, ‘आगो लागोस् बस्तीमा, म आफ्नो मस्तीमा। बाई ट्विटर।’</p>
<p>गत साता फिल्म निर्माता शशांक खेतानले पनि आफ्नो ट्विटर अकाउन्ट बन्द गरेका थिए। उनले पनि ट्विटरमाथि नकारात्म भावना फैलाएको आरोप लगाएका थिए।</p>
<p>हालै बलिउड अभिनेता सुशान्तसिंह राजपुतले आत्महत्या गरेपछि सामाजिक सञ्‍जालमा फिल्म निर्माता तथा निर्देशक करण जोहरको ट्रोल बनाइएको थियो। केही प्रयोगकर्ताले करणमाथि चर्चित कलाकारका छोराछोरीलाई मात्र कामको अवसर दिने निर्माता तथा निर्देशक भनी आरोप लगाएका थिए। त्यसपछि करणले बलिउड फिल्म उद्योगसँग सम्बन्धित केही व्यक्तिलाई ट्विटरमा अनफलो गरेका थिए।</p>
प्रतिक्रिया दिनुहोस्
.jpg)
