फ्रान्समा पाँच हजार दर्शकका लागि रंगशाला खुला
<p>काठमाडौं। फ्रान्समा ११ जुलाईबाट रंगशाला दर्शकका लागि खुला गरिने भएको छ।</p>
<p>कोरोना भाइरस संक्रमणको जोखिम कम हुँदै गएपछि फ्रान्सले पुनः रंगशाला खुला गरेको हो।</p>
<p>फ्रान्समा अब प्रत्यक्ष खेल हेर्नका लागि पाँच हजार दर्शक रंगशालाभित्र जान पाउने भएका छन्।</p>
<p>यो संख्यामा चाँडै केही समयमै वृद्धि हुने बताइएको छ।</p>
<p>यससँगै फ्रान्समा फ्रेन्च कप र लिग कपको फाइनल खेल दर्शकको उपस्थितिमा हुने सम्भावना छ।</p>
<p>दुवै खेल कोराेना भाइरस संक्रमणका कारण स्थगित भएको थियो। तथापि फ्रान्सको शीर्ष श्रेणीको लिग फ्रेन्च लिग वान र लिग टु गत अप्रिलमै रद्द भएको थियो।</p>
<p>‘‘महामारी प्रभावको अवस्था हेरेर मध्य जुलाईमा थप खुला गर्ने वा नगर्ने निर्णय गरिनेछ,’’ फ्रान्स सरकारले भनेको छ।</p>
<p>प्रधानमन्त्री इडुवार्ड फिलिप्पेले गत अप्रिलमा सबै प्रकारका खेललाई सेप्टेम्बरसम्मका लागि स्थगित गर्ने निर्णय गरेका थिए। तर, अब सोमबारबाट सामूहिक खेल शुरू हुने भएको छ।</p>
प्रतिक्रिया दिनुहोस्
.jpg)
