इन्डोनेसियामा डुंगा दुर्घटना, कम्तीमा १० जना बेपत्ता
<p>इन्डाेनेसिया। इन्डोनेसियाको पश्चिमी क्षेत्रमा डुंगा डुब्दा कम्तीमा १० जना बेपत्ता भएका बताइएको छ।</p>
<p>आज इन्डोनेसियाली अधिकारीले सुन्ड्रा स्ट्रेटमा भएको डु‌ंगा दुर्घटनामा कम्तीमा १० जना बेपत्ता भइरहेका र उनीहरूको खोजी कार्य जारी रहेको जानकारी गराएका छन्। </p>
<p>डुंगा बान्टेन प्रान्तबाट राकाटा टापूतर्फ गइरहेको समय चाइल्ड क्रयाकाटाउ ज्वालामुखी नजिक पुग्दा डुबेको राष्ट्रिय खोज तथा उद्धार कार्यालयका प्रवक्ता युसुफ लाटिफले बताए।</p>
<p>हराइरहेका १० यात्रुको खोजीका लागि दर्जनौँ उद्धारकर्मीहरू घटनास्थल पुगेको र खोजीकार्य जारी रहेको प्रवक्ता लाटिफले बताए। घटनास्थलबाट अन्य ६ जनालाई सकुशल उद्धार गरिएको थियो।</p>
<p>इन्डोनेसियामा पुराना डुंगा, बदलिइरहने मौसम र भारवहन क्षमताभन्दा बढी यात्रु बोक्ने गरेका कारण प्राय दुर्घटनाहरू हुने गर्दछन्। <em>रासस-सिन्ह्वा</em></p>
<p> </p>
प्रतिक्रिया दिनुहोस्
.jpg)
