चीन र भारतका विदेशमन्त्रीबीच भिडिओ कन्फ्रेन्स हुने, रुस पनि सहभागी हुने
<p>काठमाडाैं। चीन र भारतबीच बढ्दो तनावलाई घटाउन दुई देशका विदेशमन्त्रीबीच मंगलबार भिडिओ कन्फ्रेन्समार्फत् कुराकानी हुने भएको छ।</p>
<p>यो भिडिओ कन्फ्रेन्समा रुसका विदेशमन्त्री सहभागी हुने भारतीय मिडियाले उल्लेख गरेका छन्।</p>
<p>चीन र भारतबीच पछिल्लो समय बढ्दो तनावलाई घटाउन रुसले प्रयास गरिरहेको बुझिएको छ। भिडिओ कन्फ्रेन्समा चीनका विदेशमन्त्री वाङ यी र भारतीय विदेशमन्त्री एस. जयशंकर सहभागी हुनेछन्।</p>
<p>रुसले मंगलबार हुने भनिएको भिडिओ कन्फ्रेन्सको लागि १७ जुनबाट पहल शुरू गरेको थियो।</p>
<p>जुन १५-१६ को राति लद्दाखको गलवान क्षेत्रमा चीन र भारतीय सेनाबीच हिंसात्मक झडप भएको थियो।</p>
<p>झडपमा एक कर्णेलसहित २० जना भारतीय सैनिक मारिएका थिए। त्यसपछि उक्त क्षेत्रलाई लिएर चीन र भारतबीच तनाव बढेको थियो।</p>
<p>यसलाई मत्थर गर्न रुस भित्रभित्रै लागेको र भिडिओ कन्फ्रेन्सको लागि दुवै देशलाई मनाउन सफल भएको भारतीय मिडियाले जनाएका छन्।</p>
प्रतिक्रिया दिनुहोस्
.jpg)
