थप उडानका लागि चिनियाँ एअरलाइन्सको अनुरोध अमेरिकाद्वारा अस्वीकार
<p>वासिङ्टन। चिनियाँ एअरलाइन्सहरूले थप उडानका लागि गरेको अनुरोध अमेरिकाले अस्वीकार गरेको छ।</p>
<p>चीनबाट चारवटा एअरलाइन्सले त्यस्तो अनुरोध गरेका थिए। अलजजिराका अनुसार ती एअरलाइन्सले दुई मुलुकबीच हुने साताको उडान संख्या थप्‍न अमेरिकालाई आग्रह गरेका थिए।</p>
<p>तर, अमेरिकी यातायात मन्त्रालयले उक्त प्रस्ताव अस्वीकार गरेको हो। चीनबाट हुने उडान थप्‍न पहिले अमेरिकी एअरलाइन्सले गर्ने उडानमा लगाइएको प्रतिबन्ध हटाउनुपर्ने उक्त मन्त्रालयको शर्त छ।</p>
<p>उडान संख्या थप्‍न अस्वीकार गर्नुको अर्थ कोरोना भाइरसका कारण लगाइएको यात्रा प्रतिबन्धको मुद्दालाई अझ चर्काउनु नभएको मन्त्रालयले स्पष्‍ट गरेको छ। यो साताको शुरुदेखि चीन र अमेरिका दुवैतर्फबाट चार-चारवटा उडान गर्ने सहमतिमा पुगेका थिए।</p>
प्रतिक्रिया दिनुहोस्
.jpg)
