बालिकालाई बलात्कार आरोपमा पक्राउ
<p>कैलाली। बहिनी नाता पर्ने नौ वर्षीया बालिकालाई बलात्कार गरेको आरोपमा २२ वर्षीय युवक पक्राउ परेका छन्।</p>
<p>कञ्‍चनपुरको भीमदत्त नगरपालिकाकी नौ वर्षीया बालिकालाई बलात्कार गरेको आरोपमा बैतडी घर भई कञ्‍चनपुरमा फुपूको घरमा बस्दै आएका ती युवक पक्राउ परेका हुन्। उनले फुपूकी छोरीलाई बलात्कार गरेको आरोप लागेको छ। जिल्ला प्रहरी कार्यालय कञ्‍चनपुरका डीएसपी अमरबहादुर थापाका अनुसार बालिकाको परिवारले उनीविरुद्ध किटानी जाहेरी दिएको छ।</p>
<p>४ असार राति बालिकालाई बलात्कार गरेको जाहेरीमा उल्लेख छ। जाहेरीलगत्तै उनलाई पक्राउ गरिएको डीएसपी थापाले जानकारी दिए। उनका अनुसार पीडित बालिकालाई स्वास्थ्य परीक्षणका लागि महाकाली अस्पतालमा लगिएको छ।</p>
प्रतिक्रिया दिनुहोस्
.jpg)
