नर्विच सिटीलाई रेलिगेसनको डर
<p>काठमाडौं। साउथह्याम्पटनले दोस्रो हाफमा तीन गोल गरेपछि नर्विच सिटी पछिल्लो पाँचमध्ये चार खेलमा पराजित भएको छ। लगातारको हारसँगै नर्विच सिटीको प्रिमियर लिगमा रहने आशा कमजोर बन्दै गएको छ। </p>
<p>ड्यानी इङ्सले ४९औं मिनेटमा गरेको गोलमा साउथह्याम्पटनले अग्रता लिएको थियो। त्यसको पाँच मिनेट बित्‍न नपाउँदै इङ्सकै पासमा स्टुवार्ट अर्मसट्रङले अग्रता दोब्बर बनाए। खेल सकिन ११ मिनेट बाँकी छँदा नाथन रेडमण्डले अर्को गोल थपेपछि साउथह्याम्पटनले सहजै तीन अंक पक्का गरेको थियो। </p>
<p>जितसँगै साउथह्याम्पटन ३७ अंकका साथ १३औं स्थानमा उक्लिएको छ। नर्विच सिटी भने २१ अंकका साथ लिगको पुछारमा छ। जुन रेलिगेसन क्षेत्रभन्दा माथिको क्लब वार्टफोर्डभन्दा ६ अंकले पछाडि हो। तथापि, अन्य अरू क्लबले भन्दा नर्विच सिटीले एक खेल बढी खेलेको छ। </p>
<p>लिगमा अब ६ खेलमात्र बाँकी छ। पछिल्लो आठ खेलमा ६ अंकमात्र जोड्न सकेको नर्विच सिटी अर्को सिजन प्रिमियर लिगमै रहने सम्भावना कमजोर बन्दै गएको छ। प्रिमियर लिगमा ३० खेल सकिदा २१ अंक वा त्यो भन्दा कम भएका टीम रेलिगेसनबाट जोगिन सकेको उदाहरण छैन। </p>
<p>‘‘यो नतिजापछि उनीहरूलाई प्रिमियर लिगमै रहन पनि धेरै कठिन भएको छ,’’ नर्विच सिटीका पूर्व फरवार्ड क्रिस सुटोनले भने।</p>
प्रतिक्रिया दिनुहोस्
.jpg)
