२४ घण्टामा ब्राजिलमा थपिए ५५ हजारभन्दा बढी कोरोना संक्रमित
<p>काठमाडौं । पछिल्लो २४ घण्टामा ब्राजिलमा ५५ हजार २ सय ९ जना कोरोना भाइरसका नयाँ संक्रमित थपिएका छन्। एकैदिन एउटै देशमा यति ठूलो संख्यामा संक्रमित यसअघि थपिएका थिएनन्। </p>
<p>यसअघि अमेरिकामा गत २४ अप्रिलमा ३९ हजार ७२ जना कोरोना संक्रमित थपिएका थिए। ब्राजिलमा हिजो थपिएका कोरोना संक्रमितको संख्याले अमेरिकाको यो रेकर्ड तोडेको छ। </p>
<p>ब्राजिलमा कोरोना संक्रमितको कुल संख्या १० लाख ३८ हजार ५ सय ६८ पुगेको छ। यो अमेरिकामा रहेका संक्रमित पछिको ठूलो संख्या हो। ब्राजिलमा कोरोनाका कारण हालसम्म ४९ हजार ९० जनाले ज्यान गुमाइसकेका छन्, जसमध्ये १ हजार २ सय २१ जनाको मृत्यु हिजो भएको थियो।</p>
<p>ब्राजिलमा यसअघि सबैभन्दा बढी कोरोना संक्रमित १६ जुनमा थपिएका थिए। त्यस दिन ब्राजिलमा ३७ हजार २ सय ७८ जनामा कोरोना संक्रमण रहेको पुष्टि भएको थियो।</p>
<p>ब्राजिलका संक्रमितमध्ये हालसम्म ५ लाख २० हजार ३ सय ६० जना उपचारपछि निको भई अस्पतालबाट घर फर्केका छन्। अहिले ब्राजिलमा ४ लाख ६९ हजार १ सय १८ जना संक्रमित उपचारत छन् । तीमध्ये ८ हजार ३ सय १८ जनाको अवस्था गम्भीर छ। कोरोनाको आशंकामा ब्राजिलमा हालसम्म २३ लाख ४४ हजार ४ सय ३७ जनाको स्वास्थ्य परीक्षण गरिएको छ।</p>
प्रतिक्रिया दिनुहोस्
.jpg)
