विश्वमा कोरोना संक्रमितको संख्या साढे ८७ लाख नाघ्यो, ४ लाख ६१ हजारले ज्यान गुमाए
<p>काठमाडौं । विश्‍वमा कोरोना भाइरस संक्रमितको संख्या ८७ लाख ५० हजार ५ सय १ पुगेको छ। कोरोनाका कारण हालसम्म विश्‍वमा ४ लाख ६१ हजार ८ सय १३ जनाले ज्यान गुमाइसकेका छन्। </p>
<p>वल्डोमिटर्सका अनुसार विश्‍वमा रहेका संक्रमितमध्ये ४६ लाख २० हजार ३ सय ५५ जना उपचारपछि निको भई अस्पतालबाट घर फर्केका छन्। हाल विश्‍वमा कोरोना भाइरसका ३६ लाख ६८ हजार ३ सय ३३ जना संक्रमित उपचारत छन्।</p>
<p>तीमध्ये ५४ हजार ७ सय ९१ जनाको स्वास्थ्य अवस्था गम्भीर छ भने ३६ लाख १३ हजार ५ सय ४२ जनाको अवस्था सामान्य छ। नेपालमा हालसम्म ८ हजार २ सय ७४ जनामा कोरोना भाइरसको संक्रमण पुष्टि भएको छ। संक्रमितमध्ये २२ जनाको मृत्यु भइसकेको छ भने १ हजार ४ सय २ जना उपचारपछि निको भई घर फर्किसकेका छन्। नेपालमा कोरोनाको पहिलो संक्रमित गत ९ माघमा देखिएका थिए।</p>
<p>विश्‍वमा पहिलो पटक कोरोना भाइरस सन् २०१९ डिसेम्बर अन्तिम साता चीनको हुबेइ प्रान्तको राजधानी वुहानमा देखिएको थियो। त्यसयता यो भाइरस विश्‍वका २ सय १३ देश तथा क्षेत्रमा फैलिसकेको छ।</p>
<p>विश्‍वमा सबैभन्दा बढी कोरोना भाइरसका संक्रमित अमेरिकामा देखिएका छन् भने मृत्यृ हुनेको सबैभन्दा ठूलो संख्या पनि अमेरिकामै छ। वल्डोमिटर्सको तथ्यांकअनुसार अमेरिकामा कोरोना संक्रमितको संख्या २२ लाख ९६ हजार ८ सय ९ जना पुगेको छ। अमेरिकामा कोरोनाका कारण हालसम्म १ लाख २१ हजार ४ सय २ जनाले ज्यान गुमाइसकेका छन्। </p>
<p>ब्राजिलमा कोरोना संक्रमितको संख्या १० लाख ३८ हजार ५ सय ६८ पुगेको छ, जसमध्ये ४९ हजार ९० जनाको मृत्यु भइसकेको छ। रुसमा कोरोना संक्रमितको संख्या ५ लाख ६९ हजार ६३ रहेको छ भने ७ हजार ८ सय ४१ जनाको मृत्यु भएको छ।</p>
<p>भारतमा हालसम्म ३ लाख ९५ हजार ८ सय १२ जनामा कोरोना संक्रमण रहेको पुष्टि भएको छ। भारतमा कोरोनाका कारण ज्यान गुमाउनेको संख्या १२ हजार ९ सय ७० पुगेको छ। बेलायतमा ३ लाख १ हजार ८ सय १५ कोरोना संक्रमित रहेकोमा ४२ हजार ४ सय ६१ जनाको मृत्यु भइसकेको छ।</p>
प्रतिक्रिया दिनुहोस्
.jpg)
