नाइजेरियामा बलात्कारविरुद्धको राष्ट्रिय अभियान
<p>नाइजेरिया। नाइजेरियामा बलात्कार तथा लैंगिक हिंसाविरुद्धको राष्ट्रिय अभियान शुरू गर्न लागिएको छ।</p>
<p>सूचना तथा संस्कृति मन्त्री लाइ मोहम्मदले देशव्यापी अभियानको शुरुआत गर्न लागिएको जानकारी दिएका हुन्।</p>
<p>कोरोना भाइरसका कारण उत्पन्न महामारीकै बेलामा पनि बलात्कार र लैंगिक हिंसासम्बन्धी धेरै घटना भएकाले अभियान शुरू गर्नुपरेको उनको भनाइ छ।</p>
<p>यस्ता घटनाहरूलाई नियन्त्रण तथा न्यूनीकरणका लागि धेरै क्रियाकलापहरू गर्ने सरकारले तयारी गरेको मन्त्री मोहम्मदले बताए।</p>
<p>महामारी चलिरहेको यस अवस्थामा जनवरीदेखि मे महिनासम्मको अवधिमा ७१७ वटा बलात्कारका घटना दर्ता भएको उनले जानकारी दिए।</p>
<p>नाइजेरियाका प्रहरी प्रमुख मोहम्मद अडामुले पनि ७१७ वटा बलात्कारका घटनामा संलग्न भएको आरोपमा ९७७ जनालाई पक्राउ गरिएको सार्वजनिक गरेका थिए। <em>रासस-सिन्ह्वा</em></p>
प्रतिक्रिया दिनुहोस्
.jpg)
