भारतबाट दार्चुला फर्किएका एक युवकको मृत्यु
<p>कैलाली। २९ जेठमा कैलालीको त्रिनगर भन्सार नाका भएर भारतको बैंगलोरबाट घर फर्किएका एक युवकको मृत्यु भएको छ।</p>
<p>दार्चुलाको मार्मा गाउँपालिका-३, लटिनाथका २१ वर्षीय युवकको हिजाे बेलुका मृत्यु भएको दार्चुलाका सहायक प्रमुख जिल्ला अधिकारी टेकसिंह कुँवरले बताए ।</p>
<p>कुँवरले युवक मानसिकरूपमा अस्वस्थ रहेकाले लटिनाथ मावि रस्कोटको क्वारेन्टाइनमा एकदिन मात्रै राखेर परिवारको जिम्मामा घर पठाइएको जानकारी दिए। </p>
<p>युवकाे हिजाे राति नै पीसीआर जाँचका लागि नमूना संकलन गरिएको उनकाे भनाइ छ। उक्त नमूना आजै धनगढी पठाइएको कुँवर बताउँछन्।</p>
<p>कोरोना परीक्षणको रिपोर्ट आएपछि मात्रै शवको दाहसंस्कार गरिने बताइएको छ।</p>
<p>२ जेठदेखि स्वास्थ्यमा समस्या देखिएका युवकलाई ज्वरो र टाउको दुख्ने समस्या बढ्दै गएपछि हिजाे उपचारका लागि लैजाने तयारी गर्दैगर्दा मृत्यु भएको बताइएको छ।</p>
प्रतिक्रिया दिनुहोस्
.jpg)
