एकैपटक ५८ जना कोरोना संक्रमित भेटिएपछि पुरै गाउँपालिका 'सिल'
<p>कैलाली। डडेल्धुराको गन्यापधुरा गाउँपालिकामा एकैपटक धेरै कोरोना संक्रमित देखिएपछि गाउँपालिका नै 'सिल' गरिएको छ।</p>
<p>हिजो, ४ असारदेखि १२ असारसम्मका लागि गाउँपालिका 'सिल' गरिएको गाउँपालिकाका अध्यक्ष नवलबहादुर मल्लले बताए</p>
<p>उनले कोरोना संक्रमितहरु घर नबसी हिँडडुल गर्न थालेपछि गाउँपालिका नै 'सिल' गर्नु परेको जानकारी दिए। </p>
<p>हिजो मात्रै गन्यापधुरामा ५८ जनामा कोरोना भाइरस संक्रमित फेला परेका थिए। </p>
<p>'सिल' गरिएको अवधिमा स्वास्थ्य सेवा बाहेकका सम्पूर्ण कार्यालयहरु, बैंक र पसलहरूसमेत बन्द रहने र आवश्यक काम बाहेकको अवस्थामा घरबाहिर कसैलाई ननिस्कन गाउँपालिकाले अनुरोध गरेको छ। </p>
<p>गाउँपालिकामा सुरक्षार्थ नेपाल प्रहरी र सशस्त्र प्रहरी समेत परिचालन गरिएको जिल्ला प्रशासन कार्यालय डडेल्धुराका प्रशासकीय अधिकृत गणेश ओझाले बताए।</p>
प्रतिक्रिया दिनुहोस्
.jpg)
