पहिरोले अवरुद्ध नारायणगढ-मुग्लिन सडक १८ घण्टापछि खुल्यो
<p style="text-align: justify;">चितवन। पहिरोका कारण अवरुद्ध नारायणगढ-मुग्लिन सडकखण्ड १८ घण्टापछि खुलेको छ। </p>
<p style="text-align: justify;">हिजो, ३ असार बिहान सवा ४ बजे खसेको पहिरो गएराति १० बजे पन्छाएर सडक नियमित गरिएको हो।</p>
<p style="text-align: justify;">नारायणगढ-मुग्लिन सडक आयोजनाका सूचना अधिकारी इञ्जिनियर शिव खनालका अनुसार सो सडकको चार किलोमा पहिरोले ४५ मिटर सडक ढाकेको थियो। </p>
<p style="text-align: justify;">दुवैतर्फबाट लोडरले दिनभर लगाएर पहिरो पन्छाइएको खनालले जानकारी दिए। </p>
<p style="text-align: justify;">शुरूआतमा खसेको पहिरो पन्छाएलगत्तै सोही ठाउँमा पुनः पहिरो खस्दा समय लागेको उनले बताए। </p>
<p style="text-align: justify;">पहिरो खसेसँगै सडक अवरुद्ध हुँदा सयौँ सवारी सडकमा अलपत्र परेका थिए। </p>
<p style="text-align: justify;">सडक खुलेसँगै सवारी गन्तव्यतर्फ लागेका छन्। सवारीको चापका कारण सवारी एकतर्फी मात्र सञ्‍चालनमा आएको जिल्ला प्रहरी कार्यालय चितवनले जनाएको छ। <em>रासस</em></p>
.jpg)
