भक्तपुरका प्रहरी जवानमा संक्रमण पुष्टि, सञ्चारकक्ष सिल गरेर त्यहाँ कार्यरतलाई क्वारेन्टाइनमा राखियो
<p>काठमाडौं। महानगरीय प्रहरी परिसर भक्तपुरको प्रहरी सञ्‍चार कक्षमा कार्यरत एकजना प्रहरी जवानलाई कोरोना भाइरसको संक्रमण पुष्टि भएको छ।</p>
<p>परिसर प्रमुख एसपी सविन प्रधानले सञ्‍चार कक्षमा कार्यरत ३२ वर्षीय प्रहरी जवानमा संक्रमण पुष्टि भएको जानकारी दिए। ट्राभल हिस्ट्री नभएको ती प्रहरी जवानमा कसरी संक्रमण भयो भन्‍ने खुल्न सकेको छैन। परिसरको सञ्‍चार कक्ष सिल गरेर त्यहाँ कार्यरत अन्य १२ जना प्रहरीलाई कार्यालयकै क्‍वारेन्टाइनमा राखिएको छ।</p>
<p>“उहाँहरू भित्रै क्‍वारेन्टाइनमा बसेर सुरक्षित रूपमा सञ्‍चारको काम गरिरहनुभएको छ,” एसपी प्रधानले भने, “नमुना परीक्षण गर्ने तयारी भइरहेको छ। अन्य प्रहरीलाई उच्च सावधानीमा राखिएको छ।”</p>
<p>संक्रमित प्रहरीको स्वास्थ्य सामान्य रहेको र हाल ललितपुरको पाटन अस्पतालको आइसोलेसनमा उपचार भइरहेको छ। संक्रमित प्रहरी जवानको घर चाँगुनारायण नगरपालिकामा पर्छ। हिजो भक्तपुरमा अन्य दुईजनालाई पनि कोरोना भाइरसको संक्रमण पुष्टि भएको थियो।</p>
प्रतिक्रिया दिनुहोस्
.jpg)
