एकैदिन विश्वमा एक लाख ४० हजारभन्दा बढी कोरोना संक्रमित थपिए
<p>काठमाडौं। विश्‍वमा पछिल्लो २४ घण्टामा कोभिड-१९ का एक लाख ४० हजार १ सय ८८ जना नयाँ संक्रमित थपिएका छन्। सोही अवधिमा विश्‍वमा पाँच हजार दुई सय ४८ जनाले कोरोनाका कारण ज्यान गुमाएका छन्।</p>
<p>वल्डोमिटर्सको तथ्यांकअनुसार हिजो सबैभन्दा बढी कोरोनाका नयाँ संक्रमित ब्राजिलमा थपिएका छन्। ब्राजिलमा ३१ हजार चार सय ७५ जना नयाँ संक्रमित उपचारका लागि अस्पताल पुगेका थिए भने एक हजार दुई सय नौ जनाको मृत्यु भएको थियो।</p>
<p>अमेरिकामा पछिल्लो २४ घण्टामा थप २५ हजार ७८ जनामा कोरोना संक्रमण भएको पाइएको छ। सोही समयमा अमेरिकामा आठ सय सात जनाको मृत्युको कारक कोरोना बनेको छ। </p>
<p>भारतमा हिजो १३ हजार एक सय तीन जना नयाँ संक्रमित थपिए भने कोरोनाकै कारण तीन सय ४१ जनाले ज्यान गुमाएका छन्। </p>
<p>रुसमा पछिल्लो २४ घण्टामा कोरोनाका सात हजार आठ सय ४३ जना नयाँ संक्रमित थपिएका छन्। सो अवधिमा रुसमा कोरोना कारण ज्यान गुमाउनेको संख्या एक सय ९४ छ।</p>
<p>यस्तै, हिजो बेलायतमा एक हजार एक सय १५, पेरुसमा तीन हजार सात सय ५२, इरानमा दुई हजार ६ सय १२, जर्मनीमा एक हजार सात सय ९७, टर्कीमा एक हजार चार सय २९, मेक्सिकोमा चार हजार पाँच सय ९९, पाकिस्तानमा पाँच हजार आठ सय ३९, साउदी अरेबियामा चार हजार नौ सय १९ र बंगलादेशमा चार हजार आठ जना कोरोनाका नयाँ संक्रमित थपिएका छन्।</p>
<p>कतारमा एक हजार ९७, दक्षिण अफ्रिकामा चार हजार ७८, कोलम्बियामा दुई हजार एक सय १५, स्विडेनमा एक हजार दुई सय ३९, इजिप्‍टमा एक हजार तीन सय ६३, इन्डोनेसियामा एक हजार ३१, अर्जेन्टिनामा एक हजार तीन सय ९३ र इराकमा एक हजार पाँच सय ५४ जना कोरोनाका नयाँ संक्रमित थपिएका छन्।</p>
प्रतिक्रिया दिनुहोस्
.jpg)
