भीटीएम नहुँदा सुदूरपश्चिममा थ्रोट स्वाब संकलन रोकियो
<p>कैलाली । सुदूरपश्‍चिम प्रदेशमा थ्रोट स्वाब राख्‍ने भाँडो भीटीएम अभावमा स्वाब संकलन दोस्रो पटक रोकिएको छ। थ्रोट स्वाब राख्‍ने भाइरल ट्रान्सफर मिडिया (भीटीएम) नभएपछि कोरोना परीक्षणका लागि स्वाब संकलन रोकिएको स्वास्थ्य निर्देशनालयका निर्देशक डा. गुणराज अवस्थीले बताए।</p>
<p>सामाजिक विकास मन्त्रालयअन्तर्गतको स्वास्थ्य आपूर्ति तथा व्यवस्थापन केन्द्रमा भीटीएमको मौज्दात सकिएको हो। भीटीएम संघीय सरकारले खरिद गर्ने भएकाले पठाइदिन अनुरोध गरिएको डा. अवस्थीले बताए।</p>
<p>भीटीएम सकिएपछि शंकास्पद र कोरोना संक्रमितको सम्पर्कमा आएकाहरूको समेत स्वाब संकलन हुन सकेको छैन। यसअघि संकलन गरिएका दुई हजार ६६ जनाको स्वाब परीक्षणका लागि राष्‍ट्रिय जनस्वास्थ्य प्रयोगशाला टेकुमा पठाइएको छ।</p>
<p>स्वास्थ्य निर्देशनालयले जेठमा प्रयोगशालाको क्षमताभन्दा बढी स्वाब संकलन गरिएको बताउँदै पाँच दिनका लागि स्वाब संकलन रोकेको थियो। स्वाब संकलन शुरु भएको एक सातामै फेरि भीटीएम सकिएको हो।</p>
प्रतिक्रिया दिनुहोस्
.jpg)
