ब्राजिलमा एकै दिन करिब ३५ हजार नयाँ संक्रमित
<p>ब्रासिलिया। दक्षिण अमेरिकी मुलुक ब्राजिलमा पछिल्लो २४ घण्टामा ३४ हजार नौ सय १८ जनामा कोरोना भाइरसको संक्रमण पुष्टि भएको छ।</p>
<p>त्यससँगै ब्राजिलमा संक्रमितको संख्या नौ लाख २३ हजार एक सय ८९ पुगेको छ।</p>
<p>पछिल्लो २४ घण्टामा एक हजार दुई सय ८२ जनाको मृत्यु भयो। त्यससँगै मृतक संख्या पनि ४५ हजार दुई सय ४१ पुगेको छ।</p>
<p>संक्रमण र मृत्यु दुवै आँकडाका आधारमा ब्राजिल अमेरिकापछि दोस्रो नम्बरमा छ।</p>
<p>अर्गनाइजेसन फर इकोनोमिक कोअपरेसन एन्ड डेभेलपमेन्टले कोरोना भाइरसको दोस्रो लहर आयो भने अर्थव्यवस्था ९.१ प्रतिशतभन्दा तल झर्ने चेतावनी दिएको छ।</p>
प्रतिक्रिया दिनुहोस्
.jpg)
