कोरोना संक्रमितको संख्या ६ हजार ५९१ पुग्यो, पछिल्लो २४ घण्टामा थपिए ३८० संक्रमित
<p>काठमाडौं। नेपालमा पछिल्लो २४ घण्टामा ३८० जना कोरोना भाइरस संक्रमित थपिएका छन्। </p>
<p>देशका विभिन्न जिल्लामा कोरोना संक्रमित थपिएको स्वास्थ्य तथा जनसंख्या मन्त्रालयले जनाएको छ। </p>
<p>योसँगै कूल संक्रमितको संख्या ६ हजार ५९१ पुगेको मन्त्रालयका प्रवक्ता प्राध्यापक डाक्टर जागेश्वर गौतमले बताए। </p>
<p>मन्त्रालयका अनुसार हालसम्म देशैभर पीसीआर विधिबाट १ लाख ४३ हजार ७३८ र आरडीटी २ लाख २३ हजार ५१९ नमुना परीक्षण भएका छन्।</p>
<p>पछिल्लो २४ घण्टामा ५ हजार ५५ पीसीआर र ४ हजार १८३ आरडीटी विधिबाट परीक्षण गरिएको छ। </p>
<p>देशैभर क्वारेन्टाइनमा १ लाख ३३ हजार ९ जना रहेका छन्।</p>
<p>आइसोलेसनमा ५ हजार ५३१ जना रहेका छन्। पछिल्लो २४ घण्टामा ११७ जना कोरोना संक्रमित डिस्चार्ज भएका छन्।</p>
प्रतिक्रिया दिनुहोस्
.jpg)
