सेती अस्पतालकी नर्समा कोरोना संक्रमण पुष्टि
<p>कैलाली। सेती प्रादेशिक अस्पतालअन्तर्गत सञ्‍चालित अस्थायी कोरोना अस्पतालमा कार्यरत एक स्टाफ नर्समा कोरोना भाइरसको संक्रमण पुष्टि भएको छ।</p>
<p>धनगढी उपमहानगरपालिकाकी २८ वर्षीया स्टाफ नर्समा कोरोना पुष्टि भएको हो।</p>
<p>हिजो सुदूरपश्‍चिम प्रदेशमा ६८ जनामा कोरोना पुष्टि भएकोमा २८ वर्षीय स्टाफ नर्समा समेत संक्रमण पुष्टि भएको अस्पतालले जनाएको छ।</p>
<p>अहिले उनको आइसोलसनमा राखेर उपचार भइरहेको छ। उनको सम्पर्कमा आएका अन्य स्वास्थ्यकर्मीको समेत परीक्षण गर्ने तयारी भइरहेको अस्पतालका सूचना अधिकारी दिलिप श्रेष्ठले जानकारी दिए।</p>
<p>यसअघि कञ्‍चनपुरका तीन र डडेल्धुराका एकजना स्वास्थ्यकर्मीमा कोरोना पुष्टि भइसकेको छ।</p>
प्रतिक्रिया दिनुहोस्
.jpg)
