पछिल्लो २४ घण्टामा ४५१ नयाँ संक्रमित थपिए, नेपालमा कूल संक्रमित ६ हजार २११ पुगे
<p>काठमाडौं। नेपालमा पछिल्लो २४ घण्टामा कोरोनाका ४५१ नयाँ संक्रमित थपिएका छन्। </p>
<p>योसँगै नेपालमा कूल संक्रमितको संख्या ६ हजार २११ पुगेको छ।</p>
<p>स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा गरिएको परीक्षणमा थप ४५१ जनामा कोभिड-१९ पुष्‍टि भएको हो। </p>
<p>मन्त्रालयका प्रवक्ता प्राध्यापक डा. जागेश्वर गौतमका अनुसार ३५ महिला र ४१६ पुरुष गरेर ४५१ जना नयाँ संक्रमित थपिएका हुन्।</p>
<p>मन्त्रालयका अनुसार हालसम्म नेपालमा १ लाख ३८ हजार ६८३ पीसीआर परीक्षण भएका छन्। २ लाख १९ हजार ३३६ आरडीटी किट विधिबाट परीक्षण भएका छन्। </p>
<p>पछिल्लो २४ घण्टामा ५ हजार ३०६ पीसीआर र ८ हजार ६१५ आरडीटी विधिबाट नमुना परीक्षण भएको मन्त्रालयले जनाएको छ। </p>
<p>देशैभर क्वारेन्टाइनमा १ लाख ३३ हजार ८२९ जना रहेका छन्। आइसोलेसनमा ५ हजार १५१ जना रहेका छन्। </p>
<p>हालसम्म एक हजार ४१ जना डिस्चार्ज भइसकेका छन्। </p>
<p>कोभिड-१९ बाट अहिलेसम्म १९ जनाको मृत्यु भइसकेको छ।</p>
प्रतिक्रिया दिनुहोस्
.jpg)
