लकडाउनमा बन्द कार्यालयहरू आजदेखि आउँदै छन् सञ्चालनमा
<p>काठमाडौं। कोरोना भाइरसको प्रसार रोक्न लागू गरिएको लकडाउनका कारण बन्द रहेका कार्यालयहरू आजदेखि सञ्‍चालनमा आउँदैनन्।</p>
<p>मन्त्रिपरिषद्को २८ जेठको निर्णयअनुसार दुई सिफ्टमा कार्यालय खोल्न लागिएको हो। पहिलो सिफ्टमा बिहान ८ देखि १ र दोस्रोमा १ बजेदेखि साँझ ६ बजेसम्म कार्यालय सञ्‍चालन हुनेछन्।</p>
<p>सरकारी कार्यालय, बैंक, वित्तीय संस्था, सहकारी, बीमा सेवालाई सञ्‍चालनमा ल्याउन लागिएको हो। शिक्षण संस्था, गैरसरकारी र निजी क्षेत्रका कार्यालय पनि आजदेखि खुल्न सक्ने भएका छन्। ती सबै कार्यालय दुई सिफ्टमा सञ्‍चालन गर्नुपर्नेछ।</p>
<p>यस्तै, सार्वजनिक तथा जोरबिजोर प्रणालीमा सञ्‍चालन हुने गरी निजी सेवा प्रदायक कार्यालयका श्रमिक तथा कर्मचारी ओसारपसार गर्न प्रयोग गरिने सवारीसाधनसमेत आजदेखि सञ्‍चालन हुन पाउने छ। सवारीसाधनमा एक लहरमा एकजना यात्रु मात्रै राख्नुपर्नेछ।</p>
<p>यात्रुले अनिवार्य मास्क र स्यानिटाइजर प्रयोग गर्नुपर्नेछ। सवारीसाधनलाई दैनिक डिस्इन्फेक्ट गर्नुपर्नेछ।</p>
<p>अनुमति प्राप्तबाहेकका अन्तर्राष्ट्रिय र आन्तरिक उडान, तोकिएको बाहेक अन्तर्राष्ट्रिय सीमा नाकाबाट हुने आवागमन, सिनेमा हल, पार्टी प्यालेस, डान्सबार, पुस्तकालय, संग्रहालय, चिडियाखाना, स्पा, सैलुन, ब्युटीपार्लर, स्विमिङपुल, सपिङ मल, खेलकुद, खेलमैदानलगाय भीडभाड हुने स्थल भने खुल्ने छैनन्। <em><strong>रासस</strong></em></p>
प्रतिक्रिया दिनुहोस्
.jpg)
