मोटरसाइकलमा पनि जोरविजोर, एक जना मात्र चढ्न पाउने
<p>काठमाडौं। लकडाउन खुकुलो पार्दै निजी सवारी सञ्‍‍चालनमा आएका छन्। चारपांग्रे सवारीमा जोरबिजोर लागू छ। तर, मोटरसाइकल र स्कुटरलाई कसरी सञ्‍चालन गर्ने भन्‍ने अन्योल थियो। अब भने मोटरसाइकल र स्कुटरमा पनि जोरबिजोर प्रणाली लागू भएको छ। </p>
<p>महानगरीय ट्राफिक प्रहरी महाशाखाका एसएसपी भीमप्रसाद ढकालले ट्राफिक प्रहरीहरूलाई मोटरसाइकल र स्कुटरलाई पनि जोरबिजोर प्रणाली लागू गराउन स्पष्‍ट निर्देशन दिइसकिएको बताए। </p>
<p>सरकारले लकडाउनलाई खुकुलो बनाउँदै ३० जेठदेखि जोरविजोर प्रणाली लागू गरेको थियो। यो नियम चारपांग्रे सवारीमा लागू भएको थियो। दुईपांग्रेका लागि अन्योल थियो। </p>
<p>मोटरसाइकलमा एक जना मात्र बस्‍न दिइनेछ। चारपांग्रेको हकमा भने चालकसहित ३ जना बस्‍न पाइनेछ। उक्त निर्णयको चौतर्फी विरोध भइरहे पनि ट्राफिक प्रहरीले यसबारे कुनै अर्को निर्देशन नआएकाले एक जना मात्र बस्‍न दिने जनाएको छ।</p>
प्रतिक्रिया दिनुहोस्
.jpg)
