कोरोना प्रसारबाट बच्न मन्दिरको घण्टीमा लगाइयो सेन्सर, अब नछोई बज्नेछ घण्टी
<p>मन्दसौर। भारत मध्यप्रदेशको मन्दसौरस्थित प्रसिद्ध पशुपतिनाथ मन्दिर कोरोना भाइरसको प्रसार रोक्न सरकारले लगाएको लकडाउनका कारण ७६ दिन बन्द रह्यो। गत ८ जुनमा खुल्दै गर्दा मन्दिर व्यवस्थापनले भाइरस प्रसार हुने सम्भावित ठाउँको खोजी गर्‍यो। र, भक्तजनको सबैभन्दा बढी सम्पर्क हुने वस्तु देखियो, घण्टी। अनि त्यस घण्टीमा टाढै बसेर बजाउन मिल्ने गरी सेन्सर जडान गरियो।</p>
<p>मन्दिरमा फेरि घण्टी बज्‍न थाल्दा भक्तजन खुशी छन्। नछोइकन घण्टी बज्‍न थालेपछि कोरोना प्रसार हुने जोखिम पनि कम भयो।</p>
<p>स्थानीय ६२ वर्षीय प्राविधिकले घण्टीमा सेन्सर जडान गरिदिएका हुन्। ती प्राविधिकका अनुसार स्थानीय कारखानामै ६ हजार भारतीय रुपैयाँमा एक यन्त्र बनाएर घण्टीमा जडान गरिएको हो।</p>
<p>अनलाइन न्युजपोर्टल ‘द प्रिन्ट’का अनुसार घण्टीको डेढ फिट मुनि हात पुर्‍याउँदा आफैं बज्छ। भक्तजनले दुई हात जोडेर उभिँदा घण्टी बज्‍न थाल्छ। </p>
<p>मन्दौसरका जिल्ला अधिकारी तथा मन्दिरका अध्यक्ष मनोज पुष्पले उक्त प्रविधि भारतभरका मन्दिरमा पुर्‍याउनुपर्ने बताए।</p>
प्रतिक्रिया दिनुहोस्
.jpg)
