आजदेखि रेडियो र टेलिभिजनबाट पढाइ शुरु
<p>काठमाडौं। आजदेखि देशभर रेडियो तथा टेलिभिजनबाट पढाइ हुन थालेको छ। कोरोना महामारीका कारण विद्यालय खुल्न नसकेपछि सूचना प्रविधिको प्रयोगबाट देशभर पढाइ हुन लागेको हो। </p>
<p>शिक्षा, विज्ञान तथा प्रविधि मन्त्रालयले १८ जेठमा ‘वैकल्पिक प्रणालीबाट विद्यार्थीको सिकाइ सहजीकरण निर्देशिका, २०७७’ जारी गरी १ असारदेखि अनिवार्य कार्यान्वयन गर्न आग्रह गरेको थियो। सोहीबमोजिम आजदेखि रेडियो, टेलिभिजन, भर्चुअल, स्वःअध्ययन सामग्रीलगायत विधिबाट वैकल्पिक अध्यपन शुरु भएको हो। </p>
<p>सामुदायिक तथा निजी विद्यालयमा आजदेखि टेलिभिजनमार्फत पढाइ शुरु हुन लागेको हो। शिक्षा तथा मानव स्रोत विकास केन्द्रले तयार पारेका पाठ्यक्रम र पाठ्यपुस्तकमा आधारित भई उत्पादन गरिएका विषयगत श्रव्यदृश्य पाठहरू प्रसारण गरिनेछ। </p>
<p>गत ११ चैतदेखि जारी लकडाउनका कारण शिक्षण संस्थाको पठनपाठन तथा परीक्षा स्थगन गरिएको छ। </p>
<p>कक्षा १ देखि ८ सम्मको एनटीभी प्लसबाट बिहान १० देखि अपराह्न ३ बजेसम्म पाँच घन्टा पठनपाठन गरिनेछ। </p>
<p>लकडाउनका कारण विद्यालय तहमा अध्ययनरत ७७ लाख विद्यार्थी प्रभावित बनेका छन्। सामुदायिक क्षेत्रका ५७ लाख र निजीका २० लाख गरी ७७ लाख विद्यार्थी आजदेखि वैकल्पिक अध्ययनमा जान लागेका हुन्।</p>
प्रतिक्रिया दिनुहोस्
.jpg)
